عشر طرق عشان تعكنن علي مراتك

عشر طرق عشان تعكنن على مراتك :
ــــــــــــــــــــــــــــــــــــــــــــــــــ ــــــ
اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض

اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
ملحوظه:
اغلب النساء ذوو ثقافة كروية ضعيفة

الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقي

فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات ..
يُراعى التجول وانت مستمتع بأكل الجاتوة امامها

ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية
دي ياحياتي حطّة عليها ايه ؟؟
ولو عملة كيكة قولّها انا بحب اشرب شاى مع البسكويت الحلو ده

لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة
مع فردة شراب من بتوعك علشان متبقاش مقصودة منك

لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شويه

لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟

وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني

عشان تعرفوا ان عدم الجواز نعمة لا تعوض

عندك حق والله
الجواز خنقه كبيره

عندك حق ولله يا جوكر
بس على فكره مش كل المتجوزين كده

ههههههههههههههههههههههه
عايزة اجرب ايه؟؟؟؟؟؟؟؟؟؟؟؟
دي عندها قدرة تحمل غير طبيعية ده انا من اول مرة كنت رميته من البلكونة وخلصت
ميرسي ع مروركم ونورتوا التوبيك

هو انتي عندك حق بس مش اي امراة الواحد يتخنق منها ويعكنن عليها في ناس تنداس وفي ناس تتباس

اه نسيت اقولك مرسي جداااااااااااااااااااااااااااااااا علي الموضوع الهايل ده واشكرك جدااااااا انك بتوعي المراة

ههههههههههههه
الموضوع بجد جامد والله
بس حتة إن عدم الجواز نعمه انا معترض عليها :-
أولا ...........................
ثانيا ..........................
ثالثا ..........................
أظن كلامي منطقي .... وواضح !!!!!

هههههههههههههههههههههههههههههههههه
نورتوا التوبيك

هههههههههههههههههههههههههه
ههههههههههههههههههههههههههه
ههههههههههههههههههههههههههههههه

ميرسي ليك يا وليد ع الاضافة الجامدة دي
نورتوا التوبيك

مرسي ليكي يا جيجي علي الموضوع بتاعك بس قصدك ايه يانور في كلامك وانت بتقول فيه ناس تنداس وناس تتباس