وحشتوني كتير

موضوع: وحشتوني كتير الأحد 16 مايو 2010, 3:51 pm

بجد كل اللي ع المنتدي وحشوني كتير ووحشتني مواضيعهم جدا انا مش بضيف مواضيع كتير لان انا مش بدخل نت كتير
واتمني ان كلكم تكونوا كويسين ومفيش اي حاجه مزعلاكم ع فكره انا اللي مصطفي كاتب قصتها معاه وعاوزه اخد رايكم مش الواحد مننا ساعات الظروف بتخليه يعمل حاجات خارجه عن ارادته والواحد اللي يحب بجد لازم يخاف ع حبيبه من اي حاجه هتاذيه وممكن يبعد عنه لو عرف ان ممكن حاجه تاذيه ولا ايه ارجوكم لازم تردوا عليا ضروري

موضوع: رد: وحشتوني كتير الأحد 16 مايو 2010, 11:00 pm

اولا يا اسماء احب اقولك ان الحب مش بيأذى بالعكس ده يمكن يقوى اللى بنحبه
ثانيا ماينفعش يبقى حبيبنا بيتأذى ونقف نتفرج عليه او نبعد عنه ولا ايه

موضوع: رد: وحشتوني كتير الأحد 16 مايو 2010, 11:24 pm

انا من رأيي ان الواحد ميتسرعش فى الحكم على غيره من غير ما يعرف ظروفه كلها
لازم يحط نفسه مكان الشخص ده لو حس انه صادق يبقى يقدر ظروفه
ــــــــــــــــــــــــــــــــــــــــ
حمدلله ع السلامه يا اسماء وياااارب كده نشوفك ديمن بخير

هاى اسماء
الحقيقه انا ماتشرفتش بمعرفتك انا احمد (التنين الذهبى) وحمد الله على السلامه
بس احب اقول رأيى بكل صراحه
ان الشاب شكاك بكل صراحه انا عدى عليا وقت شكيت فى اصحابى
وان الشاب اللى بيحب مايحبش ان هى تبعد عنه حتى ولو يوم واحد وانتى لازم تقدرى ده
ولو انتى فعلا يتحبيه بجد اوعى تفكرى فى يوم من الايام انك تبعدى عنه حتى لو كنتى فى ظروف صعبه حاولى بقدر الامكان انك تتصلى بيه وتقوليله على الظروف اللى انتى فيها وما تقوليش ان انتى مش عايزه تشيلى همك
بالعكس ده انتى كده بتعرفيه ان انتى بتحبيه جدا وما فيش فرق بينكم وهو هيثبت حبه ليكى ان هو ماهيتخلاش عنك ويكون معاك فى وقت الشده وانا قريت الموضوع اللى كتبه ورديت عليه وانا لو اعرف الموضوع من الاول كنت كلمته بس طبعا بعد ما يسمحلى اولا بالكلام وعايز اعرفك حاجه ان البنت لو تقلت على الشاب وجاتله واحده قالتله ان هى بتحبه هينسى الحب الاول ويروح للثانى انا كنت فى تجربة حب مرت 3 سنين ومريت بكل المواقف اللى تخطر على بالك فأنا بنصحك ان انتى ما تسبهوش وان شاء الله هيرجعلك.
اسف ان كنت ادخلت فى الموضوع وان كنت طولت عليك.

شكرا بجد لردك يا اسلام انت واحمد ومحمود بس والله انا بحب مصطفي بجد وفيه حاجات كتره حصلت اكدتلي انه ممكن يحصله مشاكل بسببي وبجد شكرا كتير ليكم وعاوزه اعرف احمد معانا ف الجامعه ولا ايه وماله زعلان ليه كده لاني حاسه من كلامه انه مجروح ياتري الاحساس ده صح

انا مع اسماء في رأيها(انا يوسف مان فور ايفر)وحمد الله ع السلامة

بس اللي انتي بتقوليه دة مش بيحصل دايما لان حب الييومين دول تحسي انه كله انانية
مش تضحية من الطرفين ولا ايه
وبعدين هو انتي في جامعة الفيوم؟ وكلية ايه؟

هاى احمد شكرا لردك احمد وشكرا انك نصحتها لانى اعرف انها مجنونة وده الا بيخلينى اجنن عليها وانا والله من غير اى شىء انا سامحتها ولكن الكلام الا كنت اكتبه كان غصب عنى لانه ليس حب يوم ولا سنه ده حب سته سنين

ياااااااااه 6 سنين؟
والله انتو فعلا مفيش زيكم
والله بتكلم بجد
وعاوز اقولك يا مصطفي لازم الراجل هو اللي يستحمل
ولا ايه؟
وربنا يوفقكم ياااااارب

اه ست سنين يعنى انا الا مربيها وهى لسه صغيرة اه علشان كده انا متاكد انها بتحبنى وليست انانيه

بالله عليك بلاش مشاكل معاها عشان خاطر قصة الحب الجميلة دي
وياريت الكل يتعلم منكم بجد
وهي اكيد هتقدر الليث انت عملته معاها
ولا ايه؟
خلاص يا درش؟

والله يااحمد انا مقدرش استغنى عنها وبعدين احنا ياما حصل بينا مشاكل وسامحنا بعض وانا سامحتها من اول ما رجعت لى

موضوع: رد: وحشتوني كتير الخميس 20 مايو 2010, 1:35 am

اولا : حمد الله على السلامه انتى ومصطفى وانا فرحت جدا ان انتو رجعتوا لبعض
ثانيا : انا مش فى جامعة الفيوم انا فى جامعة 6 اكتوبر
ثالثا : انا ما اتجرحتش مرة واحده بس انا اتجرحت كتير وانتى لو عرفتى قصتى من الاول خالص هتستغربى جدا على اللى كان بيحصل بس انا اتعودت من صغرى ان الحاجه اللى هتزعلنى وهتتعبنى يا اعالجها يا انساها وانا حاولت اعالجها منفعش فاضطريت انساها وقررت ان انا مش هدخل فى تجربة حب تانى الا شريكة حياتى بعد ما اخطبها واتمنى ان انتى ومصطفى ماتزعلوش تانى من بعض وحياة موفقه ليكم

» حاجات بنعملها كتير في حياتنا غلط .........طيب ايه الصح ؟؟؟
» اغنية كفى نفسك لطارق الشيخ كتير حلوة.
» اغنيى حلوه كتير اسمها (ليله عشق) لحنان ماضى