سؤال خطر في دماغي

السلام عليكم ورحمة الله وبركاته

هو سؤال خطر فى دماغى قلت لازم اناقشه معاكم لانه سؤال قى غايه الخطورة والاهميه ....

بعد ان تستحضر كل الطاقة الشعوريه بداخلك
السؤال بيقوول:

ماهو الشعور الذى سيطغى عليك لو سمعت الاخبار التاليه فى آن واحد :


الخبر الاول : تم الاستهزاء بالرسول صلى الله عليه وسلم وزوجاته واصحابه فى فيلم لا يمكن وصفه نظرا لبشاعته.

الخبر التانى: مصر فازت بكاس العالم .

الخبر التالت: نجحت فى الكليه بتقدير عام امتياز وعينت معيدا فى الكليه ( ده على اساس انك طالب جامعى لسه)

انا عايز يا جماعة يتم استحضار كل الطاقة الشعوريه والتخيليه للموقف ده . الاخبار التلاته جاءت ليك متتابعة فى يوم واحد . ايه الشعور اللى يطغى عليك......؟

والله ياجماعة انا اعتقد ان الشعور اللى هيغلب علينا هو وفقا لترتيب اولوياتنا فى الحياه .
فلما كانت اولى الاولويات: الدنيا كانت الفرحة بالخبر الثالت يليه التانى ستطغى على الحزن _ ان تم بالفعل – على الخبر الاول .

الكلام ده انا مش يقوله على اعتبار انى اكثركم التزاما او انا اللى مقطع السجاده من الصلاه لا والله خالص انا بقول كده على اساس ان انا بقيت بمشى فى الدنيا حاسس انى انا تايه مش عارف هو فيه ايه ؟
هو احنا متأكدين ان فيه يوم قيامة ؟ وفيه جنة ونار ؟

بجد يا جماعة والله انا عايزكم تستقبلوا كلامى بصدر رحب عشان انا بجد زهقت من الدنيا وانا لسه شاب – يعنى حراااام –
يا جماعة الرسول صلى الله عليه وسلم تم الاسنهزاء به فى فيلم هولندى.. صور ابشع المواقف للرسول وزوجاته واصحابه ومع ذلك احنا نايمين ..نعصيه علنا وبوضوح ولم يحدث ذلك اى تغيير لنا ولا فى حياتنا ... وكأننا لسنا من اتباعه صلى الله عليه وسلم وكأن الرسول صلى الله عليه وسلم لم يضحى بحياته من اجلنا .. لم يفعل شئ لنا .. نخالف الرسول فى اغلب الامور ..

يأمر الله تعالى بغض البصر ونحن نطلق البصر اطلاقا
يأمر بالصلاه ومنا من يترك الصلاه تركا قد يؤدى به والعياذ بالله الى النار
يأمر سبحانه بالاصلاح فى الارض ولايزداد الكثير منا الا فسادا فى الارض

والله يا جماعة الكلام ده مش نظرة تشاؤميه للحياه ولكن اين نحن من الاسلام ونصرة النبى عليه الصلاة والسلام

طبعا انا مش هكتر فى الكلام لكن الخلاصة ان النبى صلى الله عليه وسلم لايستحق من امته كل هذا الكسل والفتور والمخالفه لم جاء به .


التطبيق الفعلى لنصرة الرسول صلى الله عليه وسلم

انا من النهارده يا جماعة نصرة للرسول قررت كبدايه باذن الله اصلى على النبى صلى الله عليه وسلم فى اليوم 100 مره فياريت اللى مستعد انه يعيننى على نصرة الرسول ويصلى عليه فى اليوم مئه مرة او لايقل عن عشر مرات بوميا يبعت على الايميل ده



ويقول هل هو ناوى او قدم حاجة بالفعل للرسول صلى الله عليه وسلم عشان الواحد يحس ان شباب امة محمد لا يزالون بخير حال... ونجتمع على حب الله وعلى طاعته.
[b]

اكييييييد طبعا يا نور احنا معاك ديه ما فيهاش كلام مش كده ولا أيه يا جماعة؟