تخييييييييييييييييييييييييل

تخيل كده لو انت عندك امتحان بكره
وعندك ماده زفت وهباب وانت ماشاء الله
مذاااااااااكر واكل الكتب اكل (انت حتقولى مانا عارفك)
تيجى الست الوالده او الوالد مفرقتش يعنى
ويقولك
اصحى يابنى عندك امتحان عشان متتأخرش
ماشى حصحى ثوانى اخطف حلم سريع واصحى
حخطف ايه وهباب ايه قوم يلا عندك امتحان
تقوم انت متنرفز وقايل فى سرك
يييييييييي يادى اليوم الابيض ارحمنى ياعم بئه عايز انام
مهو اليوم بيبان من اوله

وبعد ماتقوم بطلوع الروح وبالضرب بالجزم والشباشب
وتلبس هدومك ونازل والدنيا مسقعه لما السما تكون بتنجانى
وانت حراااااان وايدك متلجه (متقوليش ازاى)
وانت بقى داخل اللجنه
ومش مذاكر وقاعد جمبك واد تعبان خالص مالص
والمراقب راجل غتت
وفجأه دخل المراقب
ويقول
اللى حسمعه بيتكلم مع اللى جنبه ولابيفكر يتكلم
مع اللى حنبه ولابيحاول يبص على اللى جنبه
حطرده هو واللى جنبه وحيبقى ذنبه على اللى جنبه

وفجأه وقف معاك سؤال وعايز تغش (اه ياغشاش)
والمستر افشك ،، وراح قالك
يابنى يابنى انا خولقى ضيق وممكن اضربك
عليا الطلاق بالتلاته الغيلك الامتحان
تقوم انت قايل للواد اللى جنبك بعد ماالمستر يمشى
من ادامك ايه ياعم المستر ده
لو خولقه ضيق يفصل واحد مقاسه
اه والله عندك حق انا مره كان خولقى ضيق ركبتله
استك ههههههههههه
لا وبيقولك عليا الطلاق ياعم روح نام ولا اعد فى
حته ناشفه تلاقي مراته مطلعه عين امه ونفخاه
وحيطلع غله فينا

وفجأه كده وانت قاعد بتحل فالامتحان
والوله اللى وراك مخنووووووق من اللى جنبه وعمالين
يتعاركو وفجأه الواد اللى وراك قال
لاصنع اليابان ولاصنع الصين ده صنع بلدنا وبجنيه
ونص ومبيترئعش
وااام ضرب الواد اللى جنبه حتته افه
طااااااااااااااااااااااااااااااااااااااخ
المستر سمع صوت الافه
جرى علي الواد ااام الواد مدبسها فيك انتا
والمستر لغالك الامتحان
وتروح البيت وانت مش حالل حاجه وساقط
ومتبهدل مامتك تقولك عملت ايه يابنى؟
تمام ياماما ده انا حطلع الاول عالمدرسه
ده كل العيال بتعيط فاللجنه وانا اللى ااعد عمال
ااااضحك ااااضحك
لابجد شاطر ياحبيبى طالعلى

تقوم قايل فى سرك
احلى حاجه فالست دى انها بتصدق بسرعه
الست دى امى غلبانه طول عمرها

وتفضل انت بقى مقضى اليوم مكالمات فى التليفون
والفاتوره كل شهر تيجى عاليه وابوك يطلع عين
امك شتيمه وقله ايمه

ويجى الوقت اللى طلعت فيه النتيجه
واوبه النتيجه مليانه كحك
ومش اى كحك
ده بالملبن والعجوه وكل اللى تحبه يامعلم
ويجى ابوك يفئعك الم
زوووووووووووووووووووووووووووووووووو
بقى يابن الـ............ تضحك عليا وتقولى مقفل
الدرجات والله لقتلك
ليه كده بس يابابا ده انا بحبك حب محبوش انسان
(ماشى ياعم تامر حسنى)

وااادى اخره الامتحانات ياعم
شتيمه وبهدله ونذاكر ويطلع عينا
وفالاخر مش عاجب
هههههههههههههههه
بعد كده نشق هدومنا

جميلة اوى النكت دى love queen

ميرسي ع مرورك الاجمل

الامتحانات!!!!!!!!
ياساتر يارب
اعوز بالله
الله مبعدها عنا يا رب
بس تعرفى يا جى جى الواد ده لو كان قال دعاء دخول المتحان الى هوه ده
(الله مقرب ورقه زميلى منى وابعد المراقبين عنى واجعلنى انقل بتانى)
كان ربنا وفقه فى المتحان

ربنا ميحرمناش من نكتك الجميله وربنا يقرب ورقه زميلك منك ويبعد المراقبين عنك ويجعلك تنقل بتانى
سلام ياصحبى

ربنا يخليك يا صحبى
بس ياريت متبقاش تنسى تقول انتى كمان الدعوه ده
قبل متدخل اى امتحان

ههههههههههه ذاكر حلو يا صحبى وانت هتلاقى الامتحان سهل خالص وخليك زى صحبك وجيب جيد جدا زيى

هههههههههههههههههه
روووووعه يا جيجي
تسلم ايدك بجد ع التوبيك الجااامد ده
الواد ده بيفكرنى بالذى هو مضى
ومش عارف هو هيستحمل زيي ولا لا هههه
بس على رأيك يا تيجر هو نسى يقول الدعاء
مممممممم
وميرسى ليكى اوى وشدى حيلك انتى بس فى المزاكره

بشده ولله يا حوت بس مش عاوز يشد
اقطعه بئه واخلص وله ايه

ههههههههههه
لا بلاش تتعافى عليه
بدل ما الحبل يتكسر

سووورى
قصدى بدل ما يتقطع
ههه

هههههههههههههههههههههههههه
ميرسي ع مروركم الاجمل
نورتوا التوبيك

العفووو يا باشا
حمدلله ع السلامه
دا نورك انتى بجد

هههههههههههههههههههههه
جاده جدا تسلمى ايديك