الامتحان سنه 2030

الاسم: اكتب اسم الدلع:........... .. رقم موبيلك:........... ....
الإيميل: .......... .........
السؤال الأول: اختار من بين الأقواس الكلام الصح:

1- اللي بنى هرم خوفو............ ..(طلعت مصطفى - المقاولون العرب- مقاول عادي - خوفو)
2- اللي بنى.. مصر كان في الأصل......(حلاق - نجار- تاجر مخدرات- السيد - حلواني)
3- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
4 - مصر هى أمي نيلها جوا...........(بطني - رجلي - جيبي - دمي)
5- رئيس مصر القادم السيد......(جمال مبارك - جمال مبارك - جمال مبارك - كل ما سبق)

السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلى............ ......... ...
2- ماما زمنها............ .......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..

السؤال الثالث:ضع علامة Nike أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- اللي بيته من سيراميك ميحدفش الناس بالبلاط ( )
4- شاي الجوهرة حتة سكرة ( )
5- يحكم مصر النظام الملكي ( )
"ملحوظة:لو معرفتش سؤال ابقى طلع البرشام اللي معاك ..غش براحتك..كده كده حتسقط عشان تحرم تقول لكتاب المادة بتاعتي كده..ماشي

هههههههههههههههههههههه
جامد جدا يا درش كان نفسى اكون طالب فى سنة 2030 بس الله اعلم هكون عايش ولا لاء

تسلم مصطفى

ربنا يخلييك لينا يا سمسم

شكرا للمروركم اصدقاء ويارب دايما مواضيعى تنال اعجابكم

طبعا يا درش
مواضيعك كلها جاااامده جدى
تسلم يا صحبى

[]هههههههههه الاسئله صعبه جدا تسلم ايدك مصطفي وانا هاجل ومش هاخد ثالثه ثانوي السنه دي هخدها في 2030

[color:cb66=#000000]

الإسم:مادو.
الرقم:07777777
الإيميل:هتلاقيه علي الياهو
إجابة السؤال الأول:
1_ مقاول عادي.
2_سي السيد.
3_ياخالو.
4_جيبي.
5_أنظر الصندوق.
إجابة السؤال الثانى:
1_الجراش.
2_غير زمنا.
3_مفيش.
4_ترمس.
5_أبو وائل.
إجابة السؤال الثالث:
1_ صح. (بعد الهادي بادي)
2_ غلط. (بعد البادي شادي)
3_غلط. (بعد البادي أظلم)
4_ غلط مصحح. (بعد التحية)
_________________
يارب أنجح يارب وأجيب مجموع 50 % عشان أخش كلية هندسه وأبقي محامي
_________________
تشكر يامان ع التوبك الجميل وفي انتظار الجديد والمزيد
وكمان 14 سنة خدمة في ثانوى ممكن ألحق الإمتحان ده
هههههههههههههه