شغل جنان

ليه تفضل على طول متشرد ف شوارع دبلت اساميها
ارفض حاول غير حرض هد الدنيا عشان تبنيها

فك قيود الليل من روحك و اخلق شمس بتتمناها
و اتصاحب على طعم جروحك و اتعلم تضحك وياها

ليه بتسيب الخوف يتأمر على قلبك ف الضلمة يوماتى
بحلق برق زعق زمر قوله مالكش مكان فى حياتى

قوله مالكش مكان ف حياتى قوله مالكش مكان
هاشطب ليلك من حكاياتى قبل ما فجري يبان

اكره اصرخ كسر دمر متغمضش ف لحظة عيونك
حلمك مهما يعيش و يعمر لازم يجى ف يوم و يخونك

قول لدروبك مهما تضيقى مهما تعاندى و تقسى عليا
برضه هاكمل باقى طريق عمر ما كان المشى خطية

عمر ما كان المشى خطية ولا كان شغل جنان
هارفع راسى و احط ايديا على كتف الأحزان

ياااااااااااااه
ده كلام جامد جدا
بس بيورى الواحد المأساة اللى كان عايش فيها
ميرسى ليك يا درش

ايه الجمال دة يا درش

تسلم ايديك يا صاحبي